ਬੱਕਰੀਆਂ ਚਾਰਨ ਵਾਲੇ ਦਾ ਬੇਟਾ ਬਣਿਆ ਆਈਪੀਐਸ ਅਫ਼ਸਰ,

ਮਹਾਰਾਸ਼ਟਰ ਦੇ ਕੋਹਲਾਪੁਰ ਜਿਲ੍ਹੇ ਵਿੱਚ ਪੈਂਦੇ ਛੋਟੇ ਜਿਹੇ ਪਿੰਡ ਕਾਗਲ ਤਾਲੁਕਾ ਦੇ ਗ਼ਰੀਬ ਪਰਿਵਾਰ ਵਿਚ ਜੰਮੇ ਬੀਰਦੇਵ ਸਿਦਾਅੱਪਾ ਡੋਨੇ ਨੇ UPSC 2024 ਦੇ ਟੈਸਟ ਚੋ 551 ਰੈਂਕ ਲੈ ਕੇ ਆਈਪੀਐਸ ਅਧਿਕਾਰੀ ਬਣ ਗਿਆ ਹੈ।ਬੀਰਦੇਵ 27 ਸਾਲ ਦੀ ਉਮਰ ਵਿੱਚ ਕਾਗਲ ਤਾਲੁਕਾ ਦੇ ਵਿੱਚ ਪਹਿਲਾ ਆਈਪੀਐਸ ਅਫ਼ਸਰ ਬਣਿਆ ਹੈ। ਸਾਰਾ ਪਿੰਡ ਉਸ ਉਪਰ ਮਾਣ ਮਹਿਸੂਸ ਕਰ ਰਿਹਾ ਹੈ। ਬੀਰਦੇਵ  ਨੇ ਦੱਸਿਆ ਕਿ ਉਹ ਆਪਣੇ ਪਿਤਾ ਨਾਲ ਬੱਕਰੀਆਂ ਚਾਰਨ ਗਿਆ ਹੋਇਆ ਸੀ ਉਸ ਟਾਈਮ ਉਸਨੂੰ ਉਸਦੇ ਦੋਸਤ ਦਾ ਫੋਨ ਆਉਂਦਾ ਹੈ ਅਤੇ  ਉਹ ਦੱਸਦਾ ਹੈ ਕਿ ਉਹ ਆਈਪੀਐਸ ਅਫ਼ਸਰ ਬਣ ਗਿਆ ਹੈ। 

ਬੀਰਦੇਵ ਸ਼ੁਰੂ ਤੋਂ ਹੀ ਪੜ੍ਹਾਈ ਵਿੱਚ ਹੁਸ਼ਿਆਰ ਸੀ। ਸਕੂਲ ਤੋਂ ਲੈ ਕੇ ਕਾਲਜ ਤੱਕ ਬੀਰਦੇਵ ਨੇ ਹਰ ਕਲਾਸ ਪਹਿਲੇ ਨੰਬਰ ਤੇ ਆ ਕੇ ਹੀ ਪਾਸ ਕੀਤੀ ਹੈ। 10 ਵੀ ਅਤੇ 12 ਵੀ ਵਿੱਚੋ ਬੀਰਦੇਵ ਨੇ ਗਣਿਤ ਵਿਚੋਂ 100 ਚੋ 100 ਨੰਬਰ ਹਾਸਿਲ ਕੀਤੇ। ਇਸਤੋਂ ਬਾਅਦ ਬੀਰਦੇਵ ਨੇ 2020 ਵਿੱਚ ਪੂਨੇ ਦੇ COEP  ਕਾਲਜ ਤੋ ਸਿਵਿਲ ਇੰਜੀਨੀਅਰ ਦੀ ਪੜ੍ਹਾਈ ਕੀਤੀ। ਪਰ ਬਚਪਨ ਤੋਂ ਹੀ ਬੀਰਦੇਵ ਦਾ ਸੁਪਨਾ ਆਈਪੀਐਸ ਅਧਿਕਾਰੀ ਬਣਨ ਦਾ ਸੀ। ਫਿਰ ਬੀਰਦੇਵ ਨੇ ਦਿੱਲ੍ਹੀ ਵਿੱਚ ਆ ਕੇ ਕੋਚਿੰਗ ਸੈਂਟਰ ਵਿੱਚ ਦਾਖਲਾ ਲਿਆ ਅਤੇ ਆਪਣੀ UPSC  ਪੇਪਰ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ। ਇਸਦੇ ਨਾਲ ਉਸਨੇ ਅੰਗੇਰਜੀ ਸਿੱਖਣੀ ਵੀ ਸ਼ੁਰੂ ਕਰ ਦਿੱਤੀ। ਇੱਥੇ ਪੈਸੇ ਨੂੰ ਲੈ ਕੇ ਕਾਫੀ ਪ੍ਰੇਸ਼ਾਨੀ ਦਾ ਸਾਮ੍ਹਣਾ ਕਰਨਾ ਪਿਆ ਇਸ ਹਾਲਾਤ ਵਿਚ ਉਸਨੇ ਆਪਣੇ ਦੋਸਤ ਤੋਂ ਮਦਦ ਲਈ। 

ਬੀਰਦੇਵ ਦੇ ਆਈਪੀਐਸ ਅਧਿਕਾਰੀ ਬਣਨ ਵਿੱਚ ਓਸਦੇ ਪਰਿਵਾਰ ਨੇ ਬਹੁਤ ਸਹਾਇਤਾ ਕੀਤੀ ਹੈ। ਬੀਰਦੇਵ ਦਾ ਵੱਡਾ ਭਰਾ ਵੀ ਪੁਲਸ ਅਧਿਕਾਰੀ ਬਣਨਾ ਚਾਹੁੰਦਾ ਸੀ ਪਰ ਘਰ ਵਿੱਚ ਗਰੀਬੀ ਹੋਣ ਕਾਰਨ ਉਸਨੂੰ ਫੌਜ ਵਿੱਚ ਭਰਤੀ ਹੋਣਾ ਪਿਆ। ਬੀਰਦੇਵ ਦੀ ਪੜ੍ਹਾਈ ਵਿੱਚ ਇਸਦੇ ਭਰਾ ਬਾਸੁਦੇਵ ਦਾ ਬਹੁਤ ਵੱਡਾ ਯੋਗਦਾਨ ਹੈ। ਉਸਨੇ ਬੀਰਦੇਵ ਨੂੰ ਆਪਣੀ ਪੜ੍ਹਾਈ ਪੂਰੀ ਕਰਨ ਲਈ ਹਰ ਤਰ੍ਹਾਂ ਦਾ ਸਹਿਯੋਗ ਦਿੱਤਾ ਹੈ। 

UPSC ਵਿੱਚੋ ਪਾਸ ਹੋਣ ਤੇ ਬੀਰਦੇਵ ਦੇ ਪਰਿਵਾਰ ਨੇ ਉਸਦਾ ਨਿੱਘਾ ਸਵਾਗਤ ਕੀਤਾ ਹੈ। ਬੀਰਦੇਵ ਦੀ ਮਾਤਾ ਨੇ ਉਸਦੀ ਆਰਤੀ ਉਤਾਰੀ ਅਤੇ ਉਸਨੂੰ ਤੋਹਫ਼ੇ ਵਿੱਚ ਮੇਮਣਾ ਦਿੱਤਾ ਹੈ। 

ਬੀਰਦੇਵ  ਓਹਨਾ ਸਾਰੇ ਬੱਚਿਆ ਲਈ ਇਕ ਮਿਸਾਲ ਹੈ ਜੌ ਆਈਪੀਐਸ ਅਧਿਕਾਰੀ ਬਣਨਾ ਚਾਹੁੰਦੇ ਹਨ।